بنبني لك التطبيق والنظام اللي بيدير شغلك كله — سنتر تعليمي أو مطعم. من غير ما تدفع مقدم، ومن غير اشتراك شهري. إحنا بنكسب لما إنت تكسب.
عميلك بينزّل التطبيق من جوجل بلاي وآب ستور — الأيقونة أيقونتك، الاسم اسمك، الألوان ألوانك، والإشعارات بتوصله باسمك. من أول شاشة لآخر شاشة هو بيتعامل مع برانده هو. إحنا بنبني ونشغّل ونحدّث من ورا الستار.
مفيش رسوم تركيب ومفيش اشتراك شهري. بناخد نسبة من اللي بيدخلك فعليًا من خلال النظام — يعني إحنا مش بنكسب غير لما شغلك يكبر. ده مش عرض مؤقت، ده طريقة شغلنا من أول يوم.
التطبيق واللوحة والرفع على المتاجر والتدريب والدعم — كله من غير مقابل مقدم. بناخد نسبة متفق عليها من اشتراكات طلابك اللي بتتم من خلال النظام.
الكاشير والتطبيق والمنيو الويب مجانًا. العمولة على طلبات الموبايل فقط — بحد أدنى 1.5 جنيه وحد أقصى 5 جنيه للطلب. وطلبات الفرع والصالة بصفر عمولة.
غيّر الأرقام وشوف نصيبك ونصيبنا بالجنيه — بنفس النسب المكتوبة فوق، من غير أي مفاجآت.
اختار مجالك وهنوريك المنظومة المبنية ليه بالظبط — مش نظام عام اتلبس على شغلك بالعافية.
اللي كان بيتعمل في كشكول وجروب واتساب وشيت إكسيل، بقى في نظام واحد: الطالب بيذاكر ويدفع ويمتحن من التطبيق، وإنت شايف كل حاجة لحظة بلحظة.
على أندرويد تصوير الشاشة مقفول على مستوى النظام والصورة بتطلع سودا. وعلى آيفون الفيديو بيتغطى وقت التسجيل. ومفيش تحميل أوفلاين خالص.
حساب الطالب بيترتبط بموبايل واحد من أول تسجيل دخول. خلاص زمن الحساب اللي بيتشارك بين عشرة.
الطالب يحوّل فودافون كاش ويرفع الإيصال، والمساعد يوافق بضغطة. تقرير بالمستحق والمحصّل والمتأخر يتصدّر Excel.
المساعد يكتب كود الطالب، يشوف اسمه، يأكد — والخانة تفضّى للي بعده. مصمم مخصوص لطابور باب السنتر. والحضور ده هو نفسه اللي بيفتح للطالب فيديوهات المراجعة — فالسنتر مابيفضاش.
ابني بنك أسئلتك مرة واحدة واسحب منه يدوي أو عشوائي. الاختيار من متعدد بيتصحح أوتوماتيك وشهادات النجاح بتتولّد بضغطة.
اعمل أدوار مخصصة وحدّد كل مساعد يشوف إيه من 14 صلاحية منفصلة. مساعدك يسجّل حضور من غير ما يشوف فلوسك.
الطالب يقدر يفتح لنفسه الفيديوهات والامتحانات يراجعها تاني باشتراك شهري بسيط — إنت اللي بتحدد سعره. الشرح إنت عملته مرة واحدة، وبيفضل يجيبلك دخل كل شهر من غير مجهود زيادة. وفي نفس الوقت الطالب بيراجع أكتر ومستواه بيعلى.
ببلاش في الاشتراك، بس بتدفع تمنه في حتة تانية.
يحيى الريانإسلام الشاطرأحمد سامي الباروديمستر وسام نبيلمحمد سيدأحمد نبيلمحمد ياسريوسف فخر الديننظام بيع كامل + تطبيق باسمك + كتالوج ويب — لأي محل بيبيع منتجات. مش إيميل ولا واتساب ولا مكالمة: الطلب بينزل على شاشة الكاشير بتنبيه صوتي، والعميل بيتابع كل خطوة من موبايله لحد ما يستلم.
بتبيع ملابس أو منتجات بمقاسات وألوان؟ النسخة دي تحت التجهيز — ابعتلنا ونحجزلك مكان في أول دفعة.
واجهة لمس، ورديات، إيصال للعميل وتذكرة تحضير للمطبخ أو المخزن، ودفع كاش أو إلكتروني أو مقسوم — وتقرير إغلاق أوتوماتيك.
سائقين وتعيين وتتبع وتسوية نقدية. والعميل شايف الطلب فين: مقبول ← بيتجهز ← في الطريق ← اتسلّم.
النظام بيخصم لوحده مع كل بيعة ويطلّعلك تنبيه قبل ما حاجة تخلص. ولو بتبيع أكل، تقدر تربط منتجاتك بموادها الخام بالوصفة.
نقاط لكل طلب، منتجات مكافآت، وكوبونات بنسبة أو مبلغ على فرع أو فئة أو منتج — مع تقرير أداء لكل كوبون.
مبيعات واتجاهات وأفضل المنتجات وساعات الذروة ومصدر الطلبات — بتصدير PDF و Excel.
كل فرع بتقاريره وصلاحياته ومخزونه — تحت حساب واحد وشاشة واحدة.
الاتنين شغالين — بس التمن اللي بتدفعه فيهم مش ظاهر في فاتورة.
إيطاليانوSmileCrepeالأصليعم وحيدالأخوة المتحدينTiDOEscoobidoمش محتاج تفهم في برمجة ولا تشتري سيرفرات ولا تفتح حسابات على المتاجر. إحنا بنعمل ده كله.
مكالمة قصيرة نفهم فيها شغلك، وتبعتلنا الاسم والصورة والألوان اللي عايزها.
لوحة تحكم مستقلة بلينك خاص بيك، وبياناتك منفصلة تمامًا عن أي عميل تاني.
تطبيق أندرويد و iOS بأيقونتك وألوانك، وإحنا اللي بنتولى رفعه ومراجعته على المتاجر.
بندرّبك أنت وفريقك، وبنفضل معاك في التشغيل والتحديثات والدعم.
إحنا شركاء في شغلك — مكسبنا مربوط بمكسبك، فمصلحتنا إن النظام يفضل شغال وينفعك فعلًا.
كل دفعة أو بيعة بتتسجّل لحظتها، فإنت شايف دخلك ومين لسه متأخر في أي وقت. من غير ما تجمّع أرقام من كشاكيل وإكسيل آخر الشهر.
بياناتك متخزّنة في مكان محمي وبتتاخد ليها نسخ احتياطية أوتوماتيك. وحسابك منفصل تمامًا عن أي عميل تاني — مفيش حد يشوف أرقامك.
سواء عندك 50 طالب أو 5,000، فرع واحد أو عشرة — النظام بيستحمل من غير ما تغيّر حاجة ومن غير ما تدفع زيادة على النمو.
الطلاب أو العملاء، الموظفين، الفروع، المخزون، المبيعات والتقارير — كلهم في لوحة واحدة، مش خمس برامج ومجموعات واتساب.
تعرف بعت كام، حصّلت كام، ومين لسه متأخر — في أي وقت ومن أي مكان، من غير ما تستنى حد يجهّزلك تقرير آخر الشهر.
مصمم عشان أي موظف يفهمه في يوم واحد، بواجهة عربية بالكامل. من غير تدريب طويل ولا كتالوجات ولا كورسات.
بنضيف مميزات جديدة على طول، وبنسمع طلباتك وننفّذها في التحديثات الجاية. التحديثات كلها بتوصلك من غير أي تكلفة إضافية.
باسمك أنت. الأيقونة أيقونتك، والاسم على المتجر اسمك، والألوان ألوانك، وإشعاراتك بتوصل عميلك باسمك. البراند اللي عميلك بيتعامل معاه هو براندك أنت من أول شاشة لآخر شاشة — واسمنا بيفضل سطر صغير في آخر الصفحة، زي أي شركة تقنية واقفة ورا منتج.
لأ. مفيش رسوم تركيب ولا اشتراك شهري. إحنا بنستثمر في بناء التطبيق والنظام، وبناخد نسبة من اللي بيدخلك من خلاله. تفاصيل النسبة بنتفق عليها بوضوح كامل ومكتوب قبل ما نبدأ.
على أندرويد تصوير الشاشة وتسجيلها مقفول على مستوى نظام التشغيل — نفس التقنية اللي بتستخدمها تطبيقات البنوك — والصورة بتطلع سودا. وعلى آيفون، لما التطبيق يحسّ بتسجيل شغال بيغطي الفيديو بتحذير فالتسجيل بيطلع من غير محتوى. وكمان مفيش تحميل أوفلاين خالص، وحساب الطالب مربوط بموبايل واحد.
التطبيق كله بالعربي وشاشة رئيسية واحدة، والتسجيل بياخد أقل من دقيقة. وفي منظومة البيع في كمان كتالوج ويب برابط — يعني اللي مش عايز ينزّل تطبيق يطلب من المتصفح بنفس التجربة.
لوحة التحكم بتبقى جاهزة وإنت شغال عليها من أول أيام. التطبيق بياخد وقت إضافي عشان يتبني ويعدّي مراجعة المتاجر — وده جزء إحنا بنتولاه بالكامل وبنفضل نحدّثك بمرحلته أول بأول.
لأ. كل عميل بياخد نسخة مستقلة بلينك خاص بيه وبياناته منفصلة تمامًا. ومحدش من فريقك بيشوف غير اللي إنت مديله صلاحية يشوفه.
مكالمة واحدة نفهم فيها شغلك، وبنوريك النظام شغال على الطبيعة — من غير أي التزام.